Dakop sa drug buy bust operation nga ginpatigayon sang Provincial Drug Enforcement Unit (PDEU) ang Punong Barangay sang Canawili, Janiuay, Iloilo.
Ini amo si Alyas Jun-Jun, 51-anyos, kasado, kag isa ka High-Value Individual (HVI).
Nakuha sa iya ang 410 grams sang illegal nga droga nga may estimated standard drug price nga P2,788,000.00 kag marijuana nga may kabug-aton nga 8.2 grams nga nagabalor P4,100.00
Ang operasyon ginpangunahan ni Police Major Dadje Delima, head sang PDEU kaupod ang Janiuay Municipal Police Station.
Sa subong, preso na ang nasambit nga subject sa Janiuay MPS kag nagapangatubang sang kaso nga paglapas sa RA 9165 ukon Comprehensive Dangerous Drugs Act of 2002.
