Maga-atubangay ang Creamline Cool Smashers kag ang Akari chargers sa championship sang Premier Volleyball League Reinforced Conference matapos pareho nga nakaluwas kag nadag-an ang five-setters sa semifinal matches sa Mall of Asia Arena kagab-i, Agusto 31.
Apisar undermanned na halin sang nagsugod ang conference, nagbangon ang Cool Smashers halin sa two-set deficit kag dalayon nga ginlutos ang Cignal HD Spikers, 20-25, 26-28, 25-18, 27-25, 15-13.
Sa pihak nga bahin, ginpanas naman sang Chargers ang 2-1 deficit antes ginpierde man ang PLDT High Speed Hitters sa skor nga 25-22, 18-25, 22-25, 26-24, 17-15.
6:00 buwas sa gab-i balantayan ang one-game title showdown sa Smart Araneta Coliseum sa Quezon City kun sa diin posible makuha sang Creamline franchise ang ila ika-siyam nga korona, ukon posible man nga ang newbie nga Akari ang makadala pauli sang ila breakthrough crown.
