Nag-file si Manila 6th District Representative Bienvenido “Benny” Abante, Jr. sang resolution agud nga mabalik ang gamhanan nga quad committee ukon QuadComm sa Kamara.
Sa House Resolution No. 106, ginaduso nga magapatigayon ang mga committee sang Human Rights, Public Order and Safety, Dangerous Drugs, kag Public Accountability sang joint inquiry agud nga masabat ang mga nagtuhaw kag wala naresolba nga mga isyu nga nabukaran paagi sa quad comm sang 19th Congress.
Kun ma-establisar na liwat suno sa kongresista, tawgon ang mega-panel nga Quad Comm 2.0.
“Despite the legislative advances, many issued identified during the joint inquiry remain unresolved or only partially addressed, largely due to the non-appearance or lack of cooperation from key resource persons, threats to witnesses, and political interference, which hindered the full exercise of the Quad Committee’s mandate,” kabahin sang iya gin-file nga resolution.
Pasangkaron man ang imbestigasyon sa mga problema sa kriminalidad kag mga sindikato nga nagdamo pa gid suno sa iya kag ginaproteksyunan pa sang nagligad kag mangin sang incumbent government officials.
Ginhalimbawa pa sini ang kaso sang missing sabungeros nga mahimo suno sa iya makabig man nga extrajudicial killings.
Sa iya nga privilege speech sa House plenary session, ginpanawagan sini ang pag-reconvene sang panel agud maka-adoptar sang “wider mandate” nga malantaw ang iban nga mga isyu.
“We must empower the Quad Committee in order for it to cast a wide investigative net and to finally uncover and dismantle the networks of criminal syndicates whose power and influence have long slithered in the shadows and beneath the reach of our government institutions—ever elusive and seemingly well-protected,” suno sa kongresista.
“May nagsasabi na pulitika lang ito. But this is not a partisan crusade, Mr. Speaker. This is a moral one. Because murder knows no color but one: red—the color of blood unjustly spilled. At dahil ang hustisya dapat walang kulay, wala dapat itong kinikilingan,” dugang sini.
Matandaan nga sang 19th Congress, nangin popular ang House Quad Comm sa marathon hearings sini sa alleged extrajudicial killings sa drug war sang Duterte administration, illegal drugs kag illegal POGOs. Nangin kilala man ang mega-panel bangud sa dalagko kag kontrobersyal nga resource persons, kag ang gahum sini sa pag-contempt sa ila.#
