GUIMARAS- Mahimo na magamit ang computer-generated ID sang mga residente sang Buenavista, Guimaras sa Lunes, Hulyo 13.
Sa interview sang Bombo Radyo kay Mayor Eugene Reyes, iya ginpahayag nga gin-aprubahan na sang Guimaras Executive Committee ang ila resident ID System.
Ini matapos ang pagsinapol kun sa diin wala sang may nagpamatok sang ginpresentar ni Reyes ang mga dokumento nga wala nagasumpakil sa sistema sang provincial screening team.
Una na nga nangin kontrobersyal ang computer generated outbound pass sang Buenavista matapos wala ginbaton sang Guimaras Provincial Government apang hugot man nga ginpanindugan ni Governor Samuel Gumarin nga indi pulitika ang rason kundi kinahanglan lang nga nga mag-agi sa legal nga proseso.
