Ginhingadlan bilang national hero sang Barbados ang 33-anyos nga singer and makeup mogul nga si Rihanna.
Opisyal nga ginpakilala si Rihanna dala ang amo nga titulo kadungan sang seremonya sang ginselebrar sang Barbados ang bag-o sini nga status bilang isa na ka Republika.
Ginpakilala si Rihanna bilang “designee for national hero of Barbados, ambassador Robyn Rihanna Fenty”.
Nabun-ag ang amo nga singer sa Saint Michael kag ginpadaku sa Bridgetown, Barbados. Sang teenager na, nagsaylo siya sa United States agud i-pursue ang iya nga music career.
Nangin ambassador of Barbados siya sang 2018, kag nangin cultural ambassador man sang amo nga pungsod sang 2008.
Sa amo man nga seremonya, nagsumpa bilang first elected president sang Barbados si Sandra Mason, kag ginkakas si Queen Elizabeth II sang Britanya bilang ila head of state. ##
