Tuman ang kakibot sang drag race community matapos gin-anunsyo nga napatay ang RuPaul’s Drag Race UK winner nga si The Vivienne sa edad nga 32-anyos.
Ini nga artist, actor and singer ang nabun-ag bilang si James Lee Williams kag nangin bantog matapos nadag-an ang first series sang Drag Race UK kag nagpangatlo naman sa 2023 edition sang Dancing On Ice.
Santo sa iya publicist nga si Simon James, nagtaliwan ang drag star sang weekend apang wala gindetalye kun ano ang rason.
“It is with immense sadness that we let you know our beloved James Lee Williams – The Vivienne, has passed this weekend,” kabahin sang anunsyo. “Their family are heartbroken at the loss of their son, brother and uncle. They are so proud of the wonderful things James achieved in their life and career.”
Suno naman sa Cheshire Police sang northwest England, ginkadtuan sang mga pulis ang address kun sa diin gin-report nga napatay ang drag star apang wala sang makaduluda nga mga sirkumstansya nga naangot sa iya kamatayon.
“Police attended, investigated the circumstances of the death of the 32-year-old man and concluded there were no suspicious circumstances. A file will be prepared for the coroner,” statement sang pulis.
Lakip sa naghatag tribute para sa iya amo sanday Ariana Grande, Michelle Visage, presenter nga si Rylan kag si Tia Kofi.
