Nakaguwa na si former executive secretary Salvador Medialdea sa ospital sa Netherlands.
Ginkumpirma ini ni Senador Bong Go matapos pila ka adlaw man nga na-confine ang abogado. Nagpasalamat man ini suno sa senador sa tanan nga nagpangamuyo para sa iya.
Yari ang statement sa Facebook page sang senador:
“Masayang ibinabalita ni Senator Bong Go ngayong Sabado na nakalabas na ng ospital si dating Executive Secretary Salvador “Bingbong” Medialdea na ilang araw ring na-confine sa hospital sa The Hague, Netherlands. Successful ang naging medical heart procedure na ginawa kay Atty. Medialdea, ngunit kailangan muna niyang manatili doon ng anim na linggo dahil hindi pa siya pwedeng bumyahe. Nagpapasalamat rin siya sa mga kababayan nating nagdasal at patuloy na nagdarasal para sa kalusugan ni Atty. Medialdea.”
Matandaan nga sang Marso 18, samtang nagabisita si Medialdea kay former President Rodrigo Duterte sa The Hague Penitentiary Institution, nagguwa ini nga sakay na sa stretcher kag ginkarga sa ambulance.
Siya ang nag-upod kay Duterte sang ginlupad ini halin sa Pilipinas kag gindala sa The Hague sang Marso 11 agud atubangon ang charges sa International Criminal Court (ICC).
Base kay Vice President Sara Duterte, bisan nga si Medialdea ang nagpungko bilang legal counsel ni Duterte sa una sini nga pag-atubang sa international tribunal, indi na siya kabahin sang defense team sa masunod nga proceedings amo man si presidential spokesperson Harry Roque.
Sa post sa FB Page ni Go, naghingyo man ini sang padayon nga pagpangamuyo para sa former president: “Patuloy na nanawagan si Senator Bong Go na ipanalangin ang kaligtasan, kalusugan, at kalayaan ni dating Pangulong Rodrigo Duterte.”##
