Naka-abot na sa Thailand ang Filipina beauty queen nga si Samantha Panlilio agud maghanda para sa Miss Grand International pageant.
Si Samantha ang ikatatlo kag katapusan nga Binibining Pilipinas 2021 titleholder nga maga-compete sa international stage subong nga tuig.
Inspired si Samantha nga sundan ang duha ka asud-asud nga kadalag-an nanday Cinderella Faye Obeñita kag Maureen Montagne nga ginpangkoronahan bilang Miss Intercontinental 2021 kag Miss Globe 2021.
Kun magdaog si Samantha, siya ang mangin labing-una nga Filipina nga mangin Miss Grand International.
Patigayunon ang amo nga pageant sa Bangkok, Thailand sa maabot nga Disyembre 4.##
