Pormal na nga ginturn-over sang National Bureau of Investigation (NBI) sa Bureau of Jail Management and Penology (BJMP) sa Lapu-Lapu City, Cebu si Sarah Discaya.
Ini matapos nga gin-grant ang commitment order sang NBI Central Visayas (NBI-7) agud mapriso si Discaya sa isa ka local jail facility nga ginadumalahan sang BJMP.
Mangatubang ang akusado sa serye sang mga court hearings sa Lapu-Lapu City Regional Trial Court may kaangtanan sa gina-alegar nga P96.5 million nga balor sang isa ka ghost flood control project sa Davao Occidental.
Suno kay NBI-7 Regional Director Atty. Renan Augustus Oliva, lauman nga magaumpisa sa una nga bahin sang Enero 2026 ang arraignment ni Discaya.
