Iduso sang Ilonggo nga si Senator Franklin Drilon ang pagpatindog sang taytay nga magaangot sa Iloilo kag Guimaras.

Sa interview sang Bombo Radyo kay Senator Drilon, iya ginpahayag nga kasunod sang natabo nga trahedya sa Iloilo Strait nga ginkamatay sang 31 ka tawo, mas maayo nga dayunon ang pagpatukod sang taytay.

Sa subong suno kay Drilon, nagapadayon ang feasibility study kag ginalauman nga magalawig ini sang isa tubtob duha ka tuig.

Ginpat-ud ni Drilon nga tutukan niya ang development sang nasambit nga proyekto nga nagabalor sang ginabanta P10 billion.