ILOILO CITY — Plano nga iduso ni Senator Win Gatchalian nga magpasar sang hagna nga naga-ban sang cellphone sa tanan nga educational institutions sa Pilipinas.
Sa interview sang Bombo Radyo kay Gatchalian, iya ginpahayag nga tuyo sang amo nga tikang ang mabalik ang mga estudyante sa pagbasa sang mga libro kag malikaw sa negatibo nga epekto sang cellphone.
Suno kay Gatchalian, kun matigayon nga mapasar ang hagna, magadumili ini sa mga estudyante nga magamit nga cellphone samtang wala pa natapos ang klase.
Ginpahayag man sang senador nga nagakaubos lang ang oras sang mga kabataan sa tuman ka lawig nga paggamit sang cellphone.
Nagpanawagan man ini sa mga institusyon sa pungsod nga ibalik ang atensyon sang mga estudyante sa pagbasa sang libro.
