Nadulaan sang pangalibutan ang isa ka 78-anyos nga babaye samtang nagapagwa sa Forest Lake Cemetery kaina sang udto.
Sa interview sang Bombo Radyo kay Melrose Orbase, nakakita sa biktima, iya ginpahayag nga antes maguwa sa sementeryo, ginpapungko pa sini ang tigulang agud makapahuway.
Apang sang ini ang nagtalikod, nakita na lamang nga nagapang-lubaybay ang amo nga tigulang kag hinali lang nga natumba.
Bangud sini, naigo ang iya nga ulo sa semento kag nakaagom sang gamay nga gasgas.
Gilayon ini nga gindala sa opisina sang Forest Lake kag gindapatan sang nagakaigo nga pagbulong sang Bureau of Fire Protection (BFP).
Nahibaluan nga yara sa 190/94 ang blood pressure sini.
Nagpamalibad naman ang amo nga tigulang mga dal-on sa ospital rason nga ginpapirma nalang ini sang waiver kag gindul-ong pauli sang BFP.
