ILOILO – Dapat siguraduhon sang Iloilo City Government nga indi masakripisyo ang maayo nga serbisyo sa publiko samtang gina-enjoy sang mga regular nga empleyado ang ila nga flexi time ukon flexible work schedule.
Ini ang pahayag sang Civil Service Commission Western Visayas matapos nga gin-approve na ni Iloilo City Mayor Jerry Treñas ang flexi time ukon pahanugot sa mga empleyado nga maatrasar sang kutob 30 minutos sa aga kag pag-compensate sini sang 30 minutos sa ila trabaho sa hapon.
Sa interview sang Bombo Radyo kay Ma. Theresa Aguirre, chief human resource specialist sang Civil Service Commission Region 6, iya ginpahayag nga dapat nga may yara sang internal guidelines agud maabisuhan ang mga personnel nga indi mahimo nga dululungan kag pagusto lang sila nga mag-avail sang flexi time.
Suno kay Aguirre, dapat nga pat-uron nga may yara sang empleyado nga maga-atubang sa mga tawo nga naga-transact sang ‘last otso pa lang sa aga ukon mas temprano pa.
Dugang pa sang natungdan, wala man na-specify sa guidelines sang Flexi Time kun may limitasyon ini ukon pila ka beses ini nga mahimo ma-avail sang isa ka empleyado apang pahayag niya, dapat siguraduhon lang nga nagapadayon ang maayo nga serbisyo sa publiko.
