Ginpangunahan ni Bishop Soc Mesiona kag Retired Associate Justice Antonio Carpio ang ginhiwat nga ceremonial groundbreaking sang Catholic Church nga tukuron sa Pagasa Island.
Ginpakigbahin ni PCG spokesperson for the West Philippine Sea Rear Adm. Jay Tarriela ang pictures sa amo nga seremonya sa iya post subong nga adlaw, Marso 28.
“I am also deeply grateful to the Local Government Unit and the Palawan Council for Sustainable Development for their support of this endeavor. My extension of thanks as well to Justice Antonio Carpio for making the occasion even more meaningful,” suno kay Tarriela.
Suno kay Tarriela, makabulig ang simbahan para sa espiritwal nga kinahanglanon sang mga residente sa isla agud nga mapabilin ang ila pagtuo ilabi na sa mga pamahog dala sang Chinese presence sa West Philippine Sea.
“Far more than a mere physical structure or architectural edifice, this church stands as a powerful symbol of hope, resilience, and unity,” pahayag pa sang PCG official.
Nahibaluan man nga ini ang una nga balik ni Carpio sa Pag-asa Island halin sang 2012 sang ginahandaan pa lamang sini ang UN arbitral case nga ginpasaka sang Pilipinas batok sa nine-dash line sang China.
