BINGAWAN, ILOILO – May mga persons of interest na ang mga otoridad sa kamatayon sang solterito nga nasapwan sa Barangay Alabidhan, Bingawan, Iloilo.
Ang biktima amo si Ian Adorable, 16, residente sang Poblacion, Bingawan, Iloilo.
Sa exclusive interview sang Bombo Radyo kay Police Lt. Martin Pugales, hepe sang Bingawan Municipal Police Station, iya ginpahayag nga may laslas sa liog sang masapwan ang biktima.
Suno kay Pugales, las 7:00 kagabi sang nadula ang biktima kag kaina sang aga, nasapwan na lang ini nga wala sang kabuhi sang mga persona nga nagapangkuha sang uhong sa nasambit nga lugar.
Nahibaluan nga halos magseparar na ang ulo sini sa iya liog sang nasapwan.
