Gin-anunsyo sang San Antonio Spurs nga padayon nga naga-recover ang ila head coach nga si Gregg Popovich matapos nagsuprer sang mild stroke sini lang nga bulan.
Antes ang hampang sang Spurs batok sa Minnesota Timberwolves, na-stroke ang coach kag wala na ini nakaupod sa hampang sang team.
Nagapaidalom na subong sa rehabilitation program ang 75-anyos nga coach apang wala pa sang timeline nga ginpaguwa kun san-o siya makabalik.
“Popovich, who has already started a rehabilitation program, is expected to make a full recovery,” suno sa Spurs sa isa ka statement. “At this point, a timeline for his return to the sidelines has not been determined. During this time, the organization is grateful to the extended community for providing privacy and space to the Popovich family.”
Si Popovich ang nangin coach sang Spurs halin sang 1996-97 season kag nagpanguna sa ila sa lima ka NBA championships.
Kilala siya nga three-time NBA Coach of the Year kag nangin coach man sang Team USA sang nakuha ang gold medal sa 2020 Tokyo Olympics.
