Nagtaliwan na sa edad nga 86-anyos ang legendary English actor nga si Patrick Stewart nga bantog bilang si Captain Jean-Luc Picard sa Star Trek franchise kag bilang si Professor Charles Xavier sa X-Men films.
Suno sa iya long-term spokesperson nga si Kelly Bush Novak, napatay si Stewart sa iya puluy-an sa Los Angeles, California, matapos ang malip-ot apang mabudlay nga pag-atubang sa Alzheimer’s disease kag Lewy body dementia.
“His sonorous voice and singular talent will forever be synonymous with indelible performances in every genre,” kabahin sang official statement nga na-post sa iya social media accounts.
“He explored the human condition in all its poetic complexity and brought hope not only to the far reaches of the Marvel Cinematic Universe, but into science fiction’s most iconic final frontier aboard the Starship Enterprise,” kabahin pa sang official statement.
Bantog si Stewart sa iya papel bilang Captain Jean-Luc Picard sa science fiction television series nga Star Trek: The Next Generation, nga nagsugod sang 1987.
Sa sulod sang pito ka season sang programa, nangin kilala siya sa bug-os nga kalibutan bangud sa iya mabaskog nga tingog kag authoritative nga pagdala sang iya karakter.
Ginbalik niya ang iya papel sa apat ka feature film spin-offs, lakip ang Star Trek Generations sang 1994, First Contact sang 1996, Insurrection sang 1998 kag Nemesis sang 2002.
Nagbalik man siya sa iya papel sa serye nga Star Trek: Picard, nga ginpagwa sa telebisyon halin 2020 tubtob 2023.
“For more than 25 years, he brought a gravitas and profundity to the role, earning fans across the globe and helping to transform Super Hero storytelling forever,” suno naman sa Marvel Studios.
Antes nangin kilala si Stewart sa bug-os nga kalibutan paagi sa science fiction, isa na siya ka bantog nga aktor sa British theater sa ulihi nga bahin sang dekada 1980.#
