Ginduso sang isa ka French Euro-deputy center-left politician nga ibalik na lang sang Estados Unidos sa France ang gin-regalo sini anay nga Statue of Liberty.
Ang gintumod sini nga rason amo bangud wala na gina-representar sang United States of America ang “values” nga amo ang nagtulod anay sa France nga ihatag ang estatwa bilang gift.
“Give us back the Statue of Liberty,” suno kay Raphael Glucksmann sa pagtilipon sang Place Publique center-left movement.
“We’re going to say to the Americans who have chosen to side with the tyrants, to the Americans who fired researchers for demanding scientific freedom: ‘Give us back the Statue of Liberty,'” dugang sini samtang nagahinugyaw ang mga tawo.
“‘We gave it to you as a gift, but apparently you despise it. So it will be just fine here at home,'” pahayag pa niya.
Ginpakita sa publiko ang Statue of Liberty sa New York City harbor sang October 28, 1886 para sa centennial sang American Declaration of Independence.
May kaangay man sini nga estatwa sa Seine sa Paris apang mas magamay lamang.
Nahibaluan nga si Glucksmann ang taga-suporta sang Ukraine kag isa siya sa nagapakamalaot sa kay US President Donald Trump bangud sa panindugan sini sa Russia-Ukraine war.
Ginmuno man sang French ang pagbuhin ni Tump sang suporta sa US research institutions rason nga naghingyo na lang ang French government sa pila sa mga eksperto nga sa ila na lang mag-trabaho.
Sang nagbalik si Trump sa White House sang Enero, matandaan nga gin-utod sang iya gobyerno ang pila sa federal research funding kag ginpahalin sa trabaho ang ginatos nga federal workers sa health and climate research.
“The second thing we’re going to say to the Americans is: ‘if you want to fire your best researchers, if you want to fire all the people who, through their freedom and their sense of innovation, their taste for doubt and research, have made your country the world’s leading power, then we’re going to welcome them,'” pahayag pa ni Glucksmann.#
