ILOILO – Ginaduso ni Iloilo 3th District Board Member Matt Palabrica sa Sangguniang Panlalawigan nga hatagan sang bulig ang sugar industry.
Sa interview sang Bombo Radyo kay Palabrica, iya ginpahayag nga ginabanta nga yara sa 20,000 hectares ang kalaparon sang tanuman sang tubo sa probinsya sang Iloilo kun sa diin 5,000 farmers ang mahimo nga maapektuhan sa tion nga madula na ang sugar industry.
Sa 5,000 suno kay Palabrica, wala pa diri nalakip ang mga Muscovado farmers kag ang mga nagatrabaho sa sugarcane mills.
Agud nga mabuligan ang mga local farmers gikan sa epekto sang Trade Liberalization, ginpahayag ni Palabrica nga iya ginaduso nga ilakip sa programa sang Provincial Agriculture Office ang sugar industry.
Nahibalu-an nga ang pagtanom sang tubo ang nagapangaduha nga palangabuhi-an sa probinsya sang Iloilo sunod sa pagtanom sang palay.
