Nagapanawagan sang ceasefire ang mga finance ministers halin sa halos dose ka mga pungsod sa pagpanguna sang United Kingdom.
Ini kaangot sa gihapon sa nagapadayon nga gyera sa tunga sang Iran, Estados Unidos, kag Israel.
Suno sa mga pungsod nagadako ang epekto sang gyera sa global economy, lakip na ang paghinay sang economic growth, pagtaas sang inflation, presyo sang enerhiya, amo man sa mga merkado.
Ang amo nga panawagan natabo matapos ginpapanubo sang International Monetary Fund (IMF) ang ila global growth forecast tungod sa epekto sang gyera.
Ginpabutyag man sang mga opisyal nga dapat likawan ang mga protectionist measures kaangay sang export restrictions kag pag-import sang nagapanguna nga balaklon sa tunga sang krisis.
Suno pa sa United Kingdom, importante nga matigayon ang ceasefire agud mabuhinan ang gasto kag epekto sa mga tawo nga apektado sang gyera.
