Nagpatigayon sang labing una nga Iloilo MICE Vendors Expo 2026 sa syudad sang Iloilo nga nag-umpisa sang Agusto 12 tubtob 14, 2026.
Ang nasambit nga expo gin-organisa sang Iloilo City MICE Center, kaupod ang Department of Tourism Region VI kag Iloilo MICE Alliance kun sa diin may ara man sang suporta sang TIEZA.
Katuyuan sini nga ma-promote ang lokal nga MSMEs, production companies, music providers, hotels, tourism operators kag iban pa nga suppliers nga naga-serbisyo sa MICE industry.
Suno kay Iloilo City Mayor Raisa Treñas, iya ginpahayag nga isa ini sa madugay na nga handum sang syudad agud makabulig sa pagpabaskog sang local suppliers.
Pahayag pa sini nga makasave ang mga event organizers nga nagaplano sang conventions, meetings kag conferences bangud may mga local suppliers man nga nagahatag sang special discounts.
Suno pa sa alkalde, paagi sa MICE Expo Vendors 2026, ginapaabot nga mas makilala pa ang kapasidad sang mga local suppliers.
Nagalaom man ini sang mas madamo nga MICE events nga magahatag sang dugang nga oportunidad sa lokal nga Negosyo sa syudad sang Iloilo.
