Aminado ang Iloilo City Police Office (ICPO) nga may mga overweight nga police personnel sa ila talatapan nga kinanlan na mag-ehersisyo.
Ini kasunod man sang hugot nga mandu sang hepe sang Philippine National Police (PNP) nga si Police General Nicolas Torre III nga iya kakason sa serbisyo ang mga police officers nga wala nagapaniwang.
Sa interview sang Bombo Radyo Police Major Shella Mae Sangrines, spokesperson sang Iloilo City Police Office, iya ginpahayag nga may mga pulis nga nagakalipat na sang ila nga calorie intake.
Suno kay Sangrines, ipaidalom sa weigh in ang mga pulis antes magpatuman sang programa nga mahimo makabulig sa ila wait loss.
Prayoridad man sang talatapan ang 98 ka mga kapulisan nga ipaidalom sa weight loss program sang Philippine National Police (PNP).
Ginpahayag man ni Sangrines nga mahimo i-weigh in ang tanan nga katapo sang kapulisan bangud may mga yara nga pulis ang nagnubo na ang ila kabug-aton.
Nahibaluan nga lakip sang kaundan sang Section 30 sang Republic Act No. 6975 ukon sang Department of Interior and Local Government Act sang 1990 nga ang kabug-aton indi dapat magsobra sa lima ka kilo para sa iya kataason.
Sa idalom sang pagsulundan, ang mga pulis nga magsobra sa standard weight pagahatagan sang anum tubtub isa ka tuig agud ma-normalize ang ila kabug-aton.
