Tanum Iloilo, programa sang probinsya

ILOILO – Padayon ang mga environmental programs nga ginapatigayon sang Iloilo Provincial Government.

Ginpangunahan ni Iloilo Gov. Arthur Defensor Jr. ang pag-lunsyar sang “Tanum Iloilo” program.

Sa interview sang Bombo Radyo kay Gov. Defensor, iya ginpahayag nga katuyuan sang programa nga makatanom sang 1.5 million nga tanom subong nga tuig.

Suno sa gobernador, i-obserba sa gihapon ang health measures sa “new normal” tree planting activity.

Nahibaluan nga gin-turn over ni Gov. Defensor ang Iloilo tree seedings sa mga partner agencies kaangay sang Department of Environment and Natural Resources (DENR); Department of Education (DepEd); kag Department of Social Welfare and Development (DSWD).