Tatlo ka mga Filipino nga manugpangisda ang napilasan matapos gin-atake sang Chinese Coast Guard kag Chinese militia vessels ang mga barko sang Pilipinas sa Escoda Shoal.
Ginpahayag sang Philippine Coast Guard (PCG) nga yara sa 20 ka mga Filipino fishing boats ang yara sa sulod sang Escoda Shoal sang gin-target ini sang mga China Coast Guard (CCG) vessels pinaagi sa pagbomba sang water cannons.
Ginreport nga duha ka CCG vessels, upod ang mga Chinese militia ships ang yara sa insidente.
Suno sa PCG, duha ka barko sang Pilipinas ang tuman nga naguba bangud sa kabaskugon sang buga sang tubig halin sa water cannons sang CCG.
Dugang pa, tatlo pa gid ka CCG vessels ang nagbalabag sa mga barko sang pungsod sang nag-responde sila sa insidente.
Gilayon naman nga ginhatagan sang nagakaigo nga medikal nga bulig ang tatlo ka manugpangisda nga napilasan matapos ang insidente.
Padayon nga gina-monitor sang PCG ang sitwasyon sa lugar samtang ginpanawagan nila ang pagrespeto sa soberanya kag katungdanan sang mga manugpangisda nga Pilipino.
