Duha ka mga bombero halin sa Guimaras ang magapaindis-indis sa nagahilapit nga Search for Mr. and Ms. Bumbero For Purpose (BFP) 2025.
Si Fire Officer 1 Gindel Padalhin, 28, nga nagsulod sa serbisyo sang 2021 bilang kabahin sang Class BAGSIK, ang magatiglawas bilang Mr. BFP Guimaras.
Samtang si Fire Officer 1 Katrina A. Jardeleza, 25, miyembro sang Class SALAKNIB halin sa 2023, ang magatiglawas naman bilang Ms. BFP Guimaras.
Sa interview sang Bombo Radyo kay Padalhin, iya ginpahayag nga isa siya ka Civil Engineer, apang sang tion sang pandemya, nagdesisyon ini nga magsulod sa Bureau of Fire Protection.
Indi naman bag-o si Padalhin sa pageantry bangud sang kolehiyo, nagapasakop naman ini sa pageant.
Luyag man ni Padalhin nga ipakita indi lang ang ila dedikasyon sa serbisyo bilang bombero kundi mangin sa ila pag-amlig sa kasapatan sa tion sang emerhensya.
Samtang, suno naman kay Jardeleza, nagtapos ini sa kurso nga Bachelor of Science in Criminology sa University of Iloilo – Phinma Education.
Suno kay Jardeleza, ini naman ang pinakauna sini nga pagpasakop sa pageant, apang positibo nga makuha ang korona.
Sa idalom sang ila advocacy nga “Voice FUR the Voiceless,” katuyuan niya nga ibatak ang ihibalo sa fire safety sang mga kasapatan kag ang importansya sang emergency preparedness kag disaster response.
