Gin-unfollow sang aktres nga si Toni Gonzaga ang iya celebrity friends sa Instagram magluwas lang sa utod sini nga si Alex kag sa iban nga close friends.
22 na lang ang nabilin sa following list sang aktres, lakip na ang bana nga si Paul Soriano, utod nga si Alex, kag bana ni Alex nga si Mikee Morada.
Kasunod ini sang iya nga kumpirmasyon nga nagpaalam na siya bilang main host sa show nga Pinoy Big Brother (PBB).
Kasunod man ini sang iya nga pag-host sa grand proclamation rally sang BBM-Sara UniTeam sang Martes, Pebrero 8, nga nag-angkon sang pagkadismaya halin sa publiko kag sa iban nga Kapamilya artists.
As of press time, may 7 million followers si Toni sa Instagram.
Sa isa naman ka post subong nga Pebrero 9, ginpahayag ni Alex ang iya nga suporta kay Toni. “You’re a queen forever! Nobody does it like you do sissszzz,” komento ni Alex.
Nakabaton man si Toni sang suporta halin sa iya bana nga si Direk Paul nga nag-like man sa iya nga IG post. ##
