𝗜𝗟𝗢𝗜𝗟𝗢 𝗖𝗜𝗧𝗬 – Nag-abiso ang Iloilo City Traffic Management Unit (ICTMU) sa publiko kag motorista nga ginalauman ang moderate to heavy nga traffic subong nga adlaw sa Muelle Loney Street, Iloilo City Proper.
Sa interview sang Bombo Radyo kay Ret. Police Col. Uldarico Garbanzos, head sang Iloilo City Traffic Management Unit, iya ginpahayag nga posible magpugok ang trapiko sa atubang sang Iloilo Freedom Grandstand bangud man sa hiwaton nga gift giving activity sang Iloilo City Government.
Suno kay Garbanzos, magasugod ang kahiwatan las-7:00 sang aga onwards.
Siraduhon naman ang Muelle Loney Street halin sa Corner Ortiz Street tubtob sa Corner Guanco Street.
Ginpahayag man sini nga ang mga truck halin sa Lapuz padulong sa City Proper (Vice Versa) ang indi pagpahanugotan nga makasulod samtang nagapadayon pa ang aktibidad sa Freedom Grandstand.
Mahimo naman sila nga mag-agi sa B. Aquino Avenue Going padulong sa City Proper and Vice Versa.
Ginapanugyanan ang mga motorista nga mag-agi sa Alternate Route agud malikawan ang inconvenience.
