ILOILO CITY – Dakop ang trisikad driver sa buybust operation nga ginpatigayon sa Brgy. Rizal Lapuz Sur, Iloilo City.
Sa interview sang Bombo Radyo kay Police Staff Sergeant Antonio Santañes, imbestigador sang Lapaz Police Station, iya ginpahayag nga ang subject sang buybust operation amo si Francisco “Iko” Palec Jr., 35, kasado sang Brgy. Progreso, Lapuz, Iloilo City.
Nakuha kay Palec ang lima ka sachet sang suspected shabu kag ang P1,200 nga buybust money.
Ginpahayag ni Santañes nga si Palec ang isa sa mga tokhang surrenderee kag nalakip sa Barangay Anti-Drug Abuse Council (BADAC) report sa ila lugar.
