Gina-engganyo ni U.S. President Donald Trump ang Iran nga magpirma sang isa ka kasugtanan samtang nagapadayon nga wala pa naresolba ang tension sa tunga sang mga pungsod.
Nakigkita na ang Presidente sang Estados Unidos sa mga executive sang mga kompanya sang langis sa pungsod agud istoryahan kun paano atubangon ang possible nga madugay nga blockade sa mga pantalan sang Iran.
Dala sa ila ginhambalan amo ang posibilidad nga ipadayon ang blockade sa sulod sang pila ka bulan kon kinahanglan, samtang ginatinguhaan nga mabuhinan ang epekto sini sa international market sang langis kag sa mga consumer sa America.
Nahibaluan nga gina-pressure sang U.S ang Iran paagi sa paglimit sang iya oil exports agud mapilit nga buksan liwat ang Strait of Hormuz.
Sa karon, nagapabilin nga deadlock ang negosasyon kag wala pa sang klaro nga solusyon.
Samtang, ang presyo sang langis nagtaas sang halos 4% bangud sa pressure sa posible nga maglawig nga pagka-disrupt sang suplay.
