Ang ilong ang isa sa pinakasensitibo nga parte sang aton lawas kag dapat gid ini nga ginahalungan.
Apang kun kaisa, bisan ano nga paghalong, may matabo gid ya nga indi maayo.
Kaangay sang natabo sa pito ka tuig nga bata sa China nga sa sulod sang duha ka tuig, gin-antos ang baho sang tuktukon nga turnilyo nga nagsupon sa iya ilong nga wala man siya sang hinalung-ong.
Ang bata nagaistar sa Jiaozuo, sa Henan Province.
Suno sa otoridad, ginasugid sang bata sa iya ginikanan nga may yara siya sang napanimahuan nga indi manami nga baho apang indi niya mahibaluan kun ano ini.
Bangud indi man ini masimhutan sang iya ginikanan, wala na lang nila ini ginsapak sa pagdumdom nga imahinasyon lang ini sang bata.
Apang bangud nga sang damlag lang, masami na gid nagareklamo ang bata, nagdesisyon sila nga ipalantaw ini sa doktor.
Sa examination sa nostrils sang bata, nakit-an ang isa ka misteryoso nga butang sa iya ilong.
Sang gin-operahan ini, didto na nakit-an ang turnilyo.
Amo na lang ang pagpasalamat nila nga natapos na ang duha ka tuig nga pag-antos sang ila bata.
