Patay ang walo ka indibidwal bangud sa ‘unprecedented rainfall’ nga ma-eksperyensyahan subong sa Japan.
Nagdala man ini sang lapnagon nga pagbaha kag landslide kun sa diin may ara man sang mga nalakip nga nasamaran.
Suno sa awtoridad, lakip sa mga napatay amo ang isa ka babayi sa sulod sang iya nga salakyan bangud sa baha, samtang duwa naman ang nag-collapse sa dalanon.
Bangud sini, ginmanduan ang masobra 100,000 ka mga residente sa Japan nga mag-evacuate matapos ang landslide kag pagkadula man sang suplay sang kuryente.
Nag-isyu man ang mga local authorities sang level five emergency warning.
Sa pihak nga bahin, padayon sa gihapon ang pagpahanumdom sang mga awtoridad publiko sa landslide kag pagbaha.
Nahibaluan nga pagkatapos sang lapnagon nga pagbaha kasunod naman sini ang serye sang mga bagyo nga nag-igo sa Japan.
