Gindayaw ni US President Donald Trump ang natabo nga pagpakig-hinun-anon sini sa tunga nila ni Ukraine President Volodymyr Zelensky bangud nakahimo sila sang madamo nga mga progreso.
Sa pagkitaay sang duwa matapos ang bilateral talks, ginpakigbahin sang duwa ka mga lider ang ila nga gin-istoryahan bilang maayo kag positibo para sa isa ka peace plan.
Ginpasalamatan man ni Trump ang mga US official nga nagpanguna sa negosasyon para sa peace plan.
Suno pa kay Zelensky, naugyunan na ang 100% nga security guarantees apang ginpahayg ni Trump nga malapit pa lang sa 95% ang naugyunan sa security guarantee para sa Ukraine.
Ginpakigbahin man ni Ukraine President nga nakatalana nga makigkita ang negotiator team sang Ukraine sa European leaders upod ang NATO sa sunod nga mga semana.
Gintuad man ni Zelensky nga handa na ang Ukraine para maaguman ang ila kahilwayan.
Samtang sa bahin naman ni Trump, iya gintuad nga sa idalom sang US peace plan pagadumalahan sang US ang pinakadako nga nuclear power plant amo man sang Ukraine upod ang Russia.
Apang, wala ginpasugtan ni Zelensky ang anuman nga commercial involvement sang Russia.
Sa pagpakighinun-anon ni Trump kay Putin, nagpangako ang Russian leader nga magabulig ini sa pagbangon sang Ukraine kun mtapoa na ang gyera.
Dugang pa sini nga gusto sang Russia nga mangon madinalag-on ang Ukraine bangud suno sa US President dako ang nabulig sang Russia kabahin angpagsupply sang kuryebnte nga may manubo nga presyo.
