Ginklaro sang Armed Forces of the Philippines (AFP) nga wala nagbag-o ang suporta sang Estados Unidos sang Amerika sa Pilipinas.
Ini kasunod sang reports nga may redeployment sang US missile systems halin sa South Korea pakadto sa Middle East bangud sang padayon nga gyera batok sa Iran.
Suno sa AFP, wala sang indikasyon nga plano sang Washington nga kuhaon ukon bawion ang ila military assets nga yara sa Pilipinas.
Lakip sa assets sang US nga yari sa Pilipinas amo ang Typhon (MRC) missile system kag ang Navy-Marine Expeditionary Ship Interdiction System (NMESIS).
Pareho nga nag-abot sa Pilipinas ini nga assets sang 2025, kag pareho man nga gingamit sa military exercises kaangay sang Balikatan Exercise.
Ini ang kabahin sang military cooperation sa tunga sang US kag Pilipinas para sa depensa kag seguridad sang rehiyon.
“Our alliance with the U.S. continues to strengthen, and there has been no change in the level of support being provided,” suno kay AFP Spokesperson for the West Philippine Sea RAdm. Roy Vincent Trinidad.
Gin-athag man sang opisyal nga ang EDCA sites amo ang Philippine bases nga may pasilidad para sa mutual defense kag humanitarian assistance kag wala ginagamit bilang staging areas para sa offensive operations.
 nga wala nagbag-o ang suporta sang Estados Unidos sang Amerika sa Pilipinas.){kind=link}