Indi dako nga okasyon ang Valentine’s day sa Germany.
Suno kay Bombo International Correspondent Aimee Andaya Hilger, may yara man sang pila nga nagabaligya ang tsokolate, mugs kag bulak apang wala sang makita nga decorations sa pila ka mga lugar ukon sa malls sa Germany.
Suno kay Hilger, may lain nga selebrasyon ang mga Germans nga kaangay sang man sang Valentine’s day nga ila ginatawag nga “Maibock” nga ginapatigayon kun Mayo.
Sa amu nga selebrasyon, nagapang-utod sang kahoy ang mga kalalakihan, genedekorahan kag ginabilin sa atubang sang balay sang ila nga ginahigugma.
Masami sa decorations sang kahoy ang may yara sang nakabutang nga “Ich liebe dich” ukon I love you.
Dugang pa sang natungdan, naandan na sang mga German nga simple lang nga magpadulong sa restaurants bilang selebrasyon sang Valentine’s day.
