Nagbisita si Vice President Sara Duterte sang Huwebes sang gab-i sa iya chief-of-staff nga si Zuleika Lopez nga detained sa Kamara kag nagtinir sa opisina sang iya utod nga si Davao Rep. Paolo Duterte.
Suno kay House Secretary General Reginald Velasco, yara pa sa Batasang Pambansa ang Bise Presidente tubtob Biyernes sang aga.
Si Lopez ang gin-cite in contempt pagkatapos niya ginkumpirmar nga nagpirma siya sang isa ka sulat nga nagapangabay sa mga state auditors nga indi magsunod sa isa ka subpoena gikan sa House appropriations panel nahanungod sa pagsumiter sang mga report sang pag-awdit sa kompidensyal nga paggamit sang pondo sang Office of the Vice President kag Department of Education sa tuig 2022 kag 2023.
Ginmandoan siya nga prisuhon tubtob Lunes, Nobyembre 25, kon ang House good government kag public accountability panel magapadayon sang ila imbestigasyon.
Ang Bise Presidente nagapanindugan nga wala siya naggamit sang sang public funds, kag ang nagapadayon nga imbestigasyon sang panel sang Kamara ang indi sa pagbulig sa legislation kundi isa ka dry run sang isa ka impeachment bid batok sa iya.
Si Duterte nagsiling man nga indi siya mag-issue sang pahayag sa pag-aresto kay Lopez suno sa ginhingyo sang latter.
