ILOILO CITY- Magapatigayun sang virtual skills training para sa mga aspiring basketball players ang isa ka promising athlete nga bugal sang probinsya sang Guimaras.
Sa interview sang Bombo Radyo kay Peejay Barua, iya ginpahayag nga luyag niya ipakigbahin ang iya inagyan bilang ka basketball player agud makahatag man sang inspirasyon sa tagsa-tagsa.
Suno kay Barua, madamo siya sang gin-agyan nga kabudlayan antes pa niya nalab-ot ang kadalag-an bilang isa ka basketball player.
Nagapasalamat siya suno kay Barua bangud sa suporta nga ginhatag sa iya sang iya pamilya, mga kaabyanan kag mga kakilala.
Nahibaluan nga si Barua ang tumandok sang Nueva Valencia Guimaras, nangin kabahin team sang La Salle sa Manila, nakaupod sa University Athletic Association of the Philippines team nga nagpadulong sa Chicago kag South Korea, lakip na ang paghampang sa PBA D League Harbor Center kag sa Black Mamba team.
