ILOILO CITY – Gin-athag ni Iloilo City Mayor Jerry Treñas nga wala siya nagapang-harras kundi ginabalik lamang niya ang ginahimu sang iban nga empleyado sang Iloilo City Hall batok sa iya.
Ini ang kasunod sang pagpamuyayaw ni Treñas sa flag raising ceremony kahapon sa diin may yara sang kabataan nga nagapamati kadungan sang Boys and Girls Week Celebration.
Sa interview sang Bombo Radyo kay Treñas, iya ginpahayag nga indi pagpanghingabot ang iya ginbuy-an nga mga paandam.
Suno kay Treñas, ginalauman na niya nga may yara gid sang magahatag sang nanari-sari nga reaksyon matapos ang iya ginbuy-an nga pahayag.
Ginpahayag ni Treñas nga dapat matun-an sang kabataan nga indi “ideal” ang kalibutan kag wala sang romantiko sa bahin sa pulitika.
