MANILA – Patay ang walo ka pasahero nga sakay sang Lion Air West RPC 5880 Win 24 aircraft nga hana na kun tani nga mag take off sa runway sang Ninoy Aquino International Airport sang gulpi lang ginlamon sang kalayo.
Padulong kun tani ang nasambit nga eroplano sa Haneda, Japan para sa isa ka medical evacuation mission sang nagluntad ang aksidente.
Lakip sa mga pasahero amo ang flight medic, nurse, doktor, tatlo ka flight crew kag isa ka pasyente nga lunsay napatay.
Gilayon naman nga napalong ang kalayo.
Ginpasirado ang pila parte sang paluparan agud mahatagan sang ligwa ang imbestigasyon sang Aircraft Accident Investigation Board sang Civil Aeronautics Authority of the Philippines.
Indi pa matumod kun bala ano gid ang ginhalinan sang kalayo nga nagresulta sa pagkasunog sang amo nga eroplano.
