Automatic na nga suspended ang klase sa tanan nga lebel kag trabaho sa pampubliko nga mga eskwelahan sa mga lugar kun sa diin may i-raise ang PAGASA nga storm signal, rainfall kag flood warnings.
Sandig sa DepEd Order (DO) 37 nga ginpirmahan ni Vice President and Education Secretary Sara Duterte-Carpio, sa tion nga may bagyo, suspended ang klase sa mga lugar nga ginbatak ang Tropical Cyclone Wind Signals (TCWS) 1, 2 ,3, 4, ukon 5.
Suspendido man ang klase sa mga lugar nga may gina-isyu ang PAGASA nga Yellow, Orange, ukon Red Rainfall Warning, ukon Flood Warning.
Pananglitan i-isyu sang PAGASA ang TCWS, Rainfall Warning, ukon Flood Warning sa tion nga nagaumpisa na ang klase, dapat suno sa Deped nga gilayon nga isuspend sang eskwelahan ang klase kag trabaho kag paulion ang tanan KUN safe. Apang halimbawa indi na safe ang pagbyahe para sa mga estudyante kag personnel, obligado ang mga eskwelahan nga patiniron anay sila sa hurisdiksyon sang eskwelahan.
Ang local chief executives man ang maga-desisyon sa suspension sang klase kun halimbawa mabaskog ang hangin, nagaulan, ukon nagabaha, apang wala sang warning nga ginapapanaog ang PAGASA.
Sa bahin naman sang pribado nga mga eskwelahan, community learning centers, state and local universities and colleges (SUCs/LUCs), ginpahayag sang Deped nga may option sila kun magsunod ukon indi sa probisyon sang bag-o nga DO.
Sa tion naman sang linog, isuspend man ang klase sa tanan nga lebel sa area kun sa diin may i-declare ang Philippine Institute of Volcanology and Seismology (Phivolcs) nga Phivolcs Earthquake Intensity Scale (PHEIS) V ukon mas mataas pa.
Ang local chief executives naman ang makadesisyon kun halimbawa ideklarar sang Phivolcs ang PEIS IV ukon mas manubo pa.
Bisan ano man ang PHEIS, may otoridad ang school principals nga mag-kanselar sang klase kun sandig sa ila assessment, delikado na ang school buildings kag iban pa nga estruktura.
Pananglitan ipatuman gid man ang class suspension, may yara sang ipatuman nga distance learning ukon make up classes agud nga ma-meet sa gihapon ang learning competencies kag objectives. ##
