Target sang Bureau of Fisheries and Aquatic Resources (BFAR) nga malab-ot ang 100% fish sufficiency sa Pilipinas sa pagtakop sang Marcos administration sa 2028.
Ini nga sufficiency level target sa 2028 ang nalakip naman sa Strategic Plan sang ahensya para sa 2023-2028.
Ang plano sang ahensya amo ang makabig nga comprehensive roadmap kun sa diin nadetalye ang plano sang bureau para sa development, improvement, management, kag conservation sang fishery kag aquatic resources sang Pilipinas sa masunod nga lima ka tuig.
Agud malab-ot ang target, pasangkaron suno sa BFAR ang produksyon sa fisheries sector kag buhinan man ang post-harvest losses sang isda kag iban pa fishery products.
Tuyo man sang Strategic Plan sang BFAR nga buhinan sang 5% ang poverty incidence sang mga manugpangisda sa masunod nga lima ka tuig.
Kun matabo ini, mahimo na lamang ini nga 26% sa 2028 halin sa 30.6% as of 2021.
Sang 2022, sandig sa datos sang ahensya, may yara sang fish sufficiency level nga 92.5% ang pungsod lakip na ang imports kag exports. #
(Photo: Department of Agriculture)
