Ginkilala bilang Special Area for Agricultural Development (SAAD) program partners ang 12 ka mga mangunguma kag manugpangisda sa Western Visayas.
Ang mga top-performing partners sang Department of Agriculture (DA) kag Bureau of Fisheries and Aquatic Resources (BFAR) sa Antique amo ang Samahan kang Mangunguma kag Mamumugon kang Agricula sang San Remigio, Liberato Farmers’ Association sang Laua-an, Bugnay Irrigators’ Association, Inc. sang Valderrama, Ratanila Cluster Level Association sang Laua-an, Imba SAAD Seaweeds and Fisherfolk Association sang Caluya, Poblacion Patnongon Fisherfolk Association, kag Sebaste SAAD Fisherfolk Association.
Ginkilala man sang DA kag BFAR ang Bungahin Irrigators’ Association, Inc. sang Moises Padilla, Brgy. Ani-e Small Farmers’ Association sang Calatrava, Panas-an Small Fisherfolks’ Association sang Cauayan, Purok Santan SAAD Farmers and Fisherfolk Association sang Hinoba-an, kag Vito Vendors Fisherfolk Association sang Sagay City in Negros Occidental para sa ila notable performance sa project management, accomplishments kag short-term results, innovativeness, kag sustainability.
Ang outstanding nga grupo ang ginkilala kadungan sang SAAD Saga Western Visayas Partners’ Forum nga ginpatigayon sa syudad sang Bacolod kag Iloilo.
Ang kada grupo ang magabaton sang P75,000.00 nga balor sang proposal-based projects halin sa DA kag BFAR.
“Paagi sa bulig sang SAAD, nangin matawhay kag masulhay ang mga pangabuhi sang tawo tungod halos tanan nga ginhatag nila napuslan namon. Ginahimuan namon sang policy agud mapapag-on pa guid ang mga proyekto kag para ang tanan nga miyembro maka benepisyo,” pahayag ni Ike Gregorio, presidente sang Samahan kang Mangunguma kag Mamumugon kang Agricula sa San Remigio, Antique.
Ang asosasyon ang nagbaton sang certified rice seeds, vegetable seeds, fertilizer, native land chicken, egg layer production, carabao, kag farm implements.
Suno kay Dr. Myer G. Mula, National Director sang SAAD Program, nagakadapat nga pasanyugon ang agri-fishery projects sa rehiyon.
Katuyuan sang programa nga mabatak ang pangabuhi kag income status sang mga mangunguma kag manugpangisda sa mga banwa nga may mataas nga poverty incidence sa Antique kag Negros Occidental.
“Since 2019, for the agriculture sector in Western Visayas, we have already spent P162-million on livelihood projects, and for the fishery sector, we have poured P71.33 million.
We have covered 78 farmers’ associations with more than 14,000 members, and for the fishery sector, we have 32 associations with more than 1,000 members. We have also served 912 individual farmers for the agriculture sector,” pahayag ni Director Mula.
