ILOILO CITY – Magapangatubang sang kaso kriminal ang mga pamatan-on nga naulamid sa kontrobersyal nga pool party sa The Castle Hotel sa Bonifacio Drive, Danao, Iloilo City.
Sa interview sang Bombo Radyo kay Police Major Francisco Paguia Jr., hepe sang Police Station 1, iya ginpahayag nga maathag nga ginlapas sang 12 ka mga pamatan-on ang ordinansa may kaangtanan sa physical distancing bangud sa ginapatuman nga community quarantine.
Suno kay Paguia, may yara man sang separado nga penalty nga igahatag sa tag-iya sang Wander Pool bangud sa pagpahanugot sang pool party.
Sa subong, padayon ang imbestigasyon agud nga matumod pa gid ang iban pa nga mga kaso nga mahimo ipasaka batok sa mga natungdan.
Nauna na nga nagpahayag ang City Legal Office nga pasakaan sang nagakaigo nga kaso ang tag-iya sang Wander Pool nga si Carol Sanchez kag ang mga nagtambong sa pool party nga sanday Renzi Flores nga anak ni Oton, Iloilo Mayor Carina Flores, DJ nga si Eric Gella, Michael Koopmans, Ched Puertollano, Nenya Pama, Jose Ena Uy, Sofie Garucho, Kristine Kate Lagos, Khanz Gonzaga kag Izza Mariano.
