Bukas na para sa staycation ang 5,986 ka mga rooms ukon hulot sa 13 ka mga hotels sa National Capital Region (NCR).
Ini apisar ginpaidalom pa sa gihapon sa general community quarantine (GCQ) ang NCR plus.
Ang NCR plus ang ginabug-usan sang Metro Manila kag mga kaiping nga probinsya sang Bulacan, Cavite, Laguna, kag Rizal.
Suno kay Department of Tourism (DOT) Secretary Bernadette Romulo-Puyat, apisar ginpasugtan na sang Inter-Agency Task Force on Emerging Infectious Diseases ang leisure travel sa idalom sang ginapatuman nga quarantine condition, nagakadapat sa gihapon nga ipatuman ang health kag safety protocols.
“While the IATF allowed our request to permit leisure travel under the current quarantine condition, we would like to remind everyone that the health and safety of our guests and tourism workers remain the utmost priority,” pahayag ni Romulo-Puyat.
Ginpasigurado man ni Puyat nga ang mga hotels ang ginpaidalom sa inspection kag ginpahibalo sa new normal protocols.
Ang mga guests lang sa sulod sang NCR Plus ang ginapasugtan nga magbook sa mga staycation hotels kag ang mga guests ang nagakadapat nga indi magnubo sa 18 anyos kag indi maglapaw sa 65 anyos.
Gin-athag man sang tiglikom nga ang mga staycation hotels ang wala na ginagamit bilang COVID-19 quarantine facilities.
