Sa masami, kun may manggad ang ginikanan antes sila magtaliwan, ginatugyan gid nila ini sa ila nga mga kabataan ukon bisan sa ila pinakamalapit nga mga paryente kag abyan nga ila masaligan.
Pinasahi kag masakit ang natabo sa China kun sa diin nag-desisyon ang isa ka tigulang nga babayi nga ibilin ang iya $2.8-million ukon P157.7-million sa iya nga mga hinuptanan nga ido kag kuring.
Ini bangud suno sa iya, wala gid nagbiya sa iya nga tupad ang iya mga hinuptanan — indi kaangay sa iya tatlo ka mga kabataan nga nagbalewala sang iya mga kinahanglanon.
Sang una, gintunga-tunga man sang tigulang ang iya nga manggad para sa tatlo ka bata, apang naglain ang iya nga desisyon, bangud wala gid nagbisita ang mga bata sa iya kag wala man sang ginpadala nga magtatap sa iya sang siya ang nagamasakit.
Ini ang rason kun ngaa nga ginpaislan sini ang iya nga last will kag gintugyan na lang sa mga sapat ang iya minilyon ka pesos nga kuwarta.
Sa China, ginadumilian ang pagbilin sang possession direkta sa mga sapat, gani sa bulig sang iya mga abogado, nakapangita sang paagi ang babayi kag nag-appoint sang veterinary clinic nga amo ang mangin administrador sang iya manggad kag magatatap sang iya mga sapat.
Nagpanugyan naman ang Will Registration Centre headquarters sa Beijing nga mag-appoint ang babayi sang tawo nga iya gid ginasaligan agud nga mag-supervise sa veterinary clinic kag indi mabutang sa risgo ang iya manggad.
