ILOILO CITY- Totally burned ang duha ka mga balay sa natabo nga sunog sa Juntado Subdivision, Calumpang, Molo,Iloilo.
Ang isa ka balay ang ginapanag-iyahan ni Francis Canieso, 70 anyos kag ang isa ka balay ang ginapanag-iyahan sang iya anak nga si Francis Anthony Canieso, 40 anyos.
Sa interview sang Bombo Radyo kay Francis Anthony Canieso, iya ginpahayag nga base sa inisyal nga imbestigasyon, may nagluntad nga electrical short circuit sa living room sang balay sang iya amay nga amo ang gin-umpisahan sang kalayo.
Nag-angkon naman sang paso sa lawas ang amay nga Canieso kag asawa sini nga si Letecia kag amo man ang anak nga Canieso.
Padayon pa ang imbestigasyon sang Bureau of Fire Protection sa insidente kag ang balor sang halit nga natuga sang amo nga sunog.
