Patay ang mag-utod nga nagaedad 8-anyos kag 6-anyos matapos nga na-trap sa ila nasunog nga balay sa Barangay Uno, Bacolod City.
Base sa imbestigasyon sang Bureau of Fire Protection, sang natabo ang sunog ginabanta ala-una sang kaagahon, nabilin sa balay ang mag-utod matapos naggwa ang ila nga iloy agud magbakal sang pagkaon.
Gintinguhaan pa sang lolo sang mga bata nga masalbar ang mga ini apang wala niya masarangan ang tuman ka dako nga kalayo kag nag-angkon pa ini sang mga pasao sa lawas.
Padayon pa ang imbestigasyon sa ginhalinan sang kalayo.
