OTON, ILOILO – Dakop sa ginpatigayon nga buy bust operation ang duha ka durugista sa Poblacion North Oton Iloilo.
Ang arestado amo sanday Edmar Pabillo Coral, 26 anyos, soltero, construction worker kag residente sang Poblacion North Oton Iloilo kag Ryan Pollan Vergara,38 anyos, kasado, vendor sa Oton Public Market kag residente sang Poblacion South Oton Iloilo.
Ang operasyon ang bunga sang gintingob nga pwersa sang Regional Drug Enforcement Unit (RDEU), Philippine Drug Enforcement Agency (PDEA) kag Oton Municipal Police Station.
Sa interview sang Bombo Radyo kay Police Lt. Paul Vincent Pendon, team leader sang RDEU, iya ginpahayag nga nabaklan sang police posuer buyer ang mga subject sang isa ka sachet sang ginapatihan shabu balor P3,500.
Magluwas sini, nakuhaan pa gid ang mga durugista sang siyam ka mga sachet sang suspected shabu.
Ginabanta, nagadangat tanan sa P26,000 ang street value sang nakuha nga mga iligal nga droga sa nasambit nga mga durugista.
Sa subong, preso ang mga natungdan kag nagapangatubang sang kaso nga paglapas sa section 10 kag 11 sang Republic Act (RA) 9165 ukon Comprehensive Dangerous Drugs Act.
