Natingala si Senator-Judge Joel Villanueva kun paano napadalagan sang Cale88 ang operasyon sini nga may gin-report nga P150 million nga sales kag P6.13 million nga kapierdehan bisan duha lamang ang empleyado nga nakarehistro sa kompanya.
Subong nga hapon sa 37th day sang impeachment trial, ginpamangkot ni Villanueva si Bureau of Internal Revenue (BIR) Office of the Commissioner Chief of Staff Atty. Anne Loraine Garcia-Marquez kun posible nga mapadalagan ang amo sini kadaku nga operasyon bisan limitado lamang ang empleyado.
“Because this is alarming, Your Honor. You’re looking at a company with ₱150 million sales, ₱6.13 million losses, dalawa yung empleyado?” suno kay Villanueva.
“Kung kaunti ang employees, paano naha-handle ang ganitong operations?,” dugang sini.
Sabat naman ni Garcia-Marquez, daw imposible nga matabo ini luwas na lamang kon nagagamit ang kompanya sang mga makina sa operasyon sini.
Samtang, ginmandu ni Presiding Officer Francis “Chiz” Escudero ang clerk of court nga kuhaon ang may kaangtanan nga dokumento halin sa mga ebidensya nga na-submit na sa impeachment court.
Nahibaluan nga wala sang natumod nga empleyado sandig sa general information sheet sang kumpaniya para sa mga tuig nga 2023 kag 2024.
Gina-link ang Cale88 sa bana ni Vice Pres. Sara Duterte nga si Atty. Mans Carpio. Ini man nga kumpaniya ang yara sa record sang AMLC nga nakabaton sang pondo halin sa China.#
