Naka-record ang Bureau of Internal Revenue ukon BIR sang kabug-usan nga P2.84 trillion nga gross collections halin bulan sang Enero tubtob Oktubre 2026.
Suno sa BIR, naglab-ot sa P149.86 billion ang gintaas sang collection kun ikumpara sadtong nagligad nga tuig.
Para naman sa Oktubre 2026, naka-record ang ahensya sang ₱348.54 billion gross collections, mas mataas kumpara sa ₱203.581 bilyon sadtong Setyembre.
Nahibaluan nga target sang BIR nga malapawan ang ₱3 trillion nga collection bag-o matapos ang Nobyembre subong nga tuig.
Suno sa BIR, padayon ang ila nga pag-engganyo sa mga taxpayers sa pagsunod sa pagbayad sang buwis.
Samtang, ginalauman naman sang Department of Finance nga magalab-ot sa P5.5 trillion ang mangin kabug-usan nga kita sang gobyerno paglab-ot sa pagtapos sang Marcos administration.
Kadungan man sini ang ginalauman nga 9% nga growth collection sang buwis tubtob 2028.
