BUENAVISTA, GUIMARAS – Duha ang patay samtang 3 naman ang pilason sa pagbunggu-anay sang duha ka motorsiklo sa Brgy. Piña, Buenavista, Guimaras.
Ang mga ginbawi-an sang kabuhi amo sanday Oliver Villanueva, 34 anyos kag Jomar Cejo, 40 anyos, lunsay residente sang banwa sang San Lorenzo.
Santo sa imbestigasyon sang otoridad, head on collision ang natabo sa kurbadahon nga bahin sang Brgy. Piña sa banwa sang Buenavista.
Ginapahayag nga lunsay pilas sa ulo ang naangkon sang duha ka mga biktima nga lunsay nagaserbe nga driver.
Nakaluwas ang angkas nga si Amy Villanueva nga tiayon sang isa sa mga napatay nga si Oliver Villanueva.
Nakaluwas man sa aksidente ang partner kag anak sang napatay nga si Jomar Cejo nga sanday April Sagon kag ang lalaki nga bata nga naga-edad sang 2-3 ka tuig.
